Best little guesthouse in the north

Skagafjörður er fallegt og gróðursælt hérað á miðju Norðurlandi.
Landbúnaður er ein aðalatvinnugrein sýslunnar og eins og allir vita er hrossahald mikið og víðkunngt.


FRÁ GLAUMBÆ

Sauðárkrókurer eini kaupstaður Skagafjarðarsýslu en á Króknum búa um 2600 manns sem hafa atvinnu af útgerð, fjölbreyttum iðnaði og verslun og þjónustu í síauknum mæli, en á Sauðárkróki hefur til dæmis Byggðastofnun höfuðstöðvar sínar.  Fjölbrautaskóli Norðurlands vestra er einnig staðsettur á Sauðárkróki.

Í Hofsósi búa rúmlega 200 manns en útgerð og fiskvinnsla eru aðal atvinnugreinar og ferðaþjónusta mjög vaxandi.

Aðrir þéttbýliskjarnar í Skagafirði eru Varmahlíð, sem er miðstöð ferðamannaþjónustunnar í firðinum, og Hólar í Hjaltadal, en á Hólum er háskóli sem sérhæfir sig í hestabraut, ferðamálafræði og fiskeldi. Á Hólum situr vígslubiskup Hólastiftis.